Je unawafahamu wataalamu wa Ujenzi? Unajua wanahusika na nini kwenye Ujenzi?

Habari ya leo rafiki yangu mpendwa na mfatiliaji wa blogu hii nzuri kabisa inayokuelimisha kuhusu mbinu bora za ujenzi pamoja na ushauri kuhusu mambo muhimu yanayohusiana na ujenzi. Hongera sana kwa siku hii nyingine tulivu kabisa ambapo tunaenda kufanya yaliyo bora na kutegemea kupata matokeo bora kabisa. 

Leo rafiki tuelimishane kidogo kuhusu wataalamu wa ujenzi ni kina nani na wanahusika na nini hasa kwenye ujenzi? 

Wataalamu wa Ujenzi

Wataalamu wa ujenzi ni watu waliosomea na kubobea katika maswala ya ujenzi wa nyumba kuanzia kwenye utengenezaji wa ramani nzuri, makadirio ya ujenzi pamoja na usimamizi wa ujenzi wenyewe. Watu hawa wana uelewa mkubwa sana kuhusu aina mbalimbali za ujenzi na namna bora ya kufanya ujenzi wako kwa kufuata taratibu za eneo husika.

Tunaishi kwenye zama ambazo kila mtu anahitaji kuwa na nyumba bora ya kisasa yenye vigezo vyote muhimu na iliyojengwa kwa gharama nafuu. Unapotumia wataalamu hawa unajihakikishia kupata kile kilicho bora kabisa kwa viwango vya kimataifa na kwa gharama nzuri kabisa. Wafuatao ni wataalamu watatu kati ya wengi ambao inabidi uwafahau na ujue wanafanya nn;

1: Msanifu Majengo (Archtect)

Huyu ni mtaalamu ambaye kazi yake ni kubuni na kutengeneza mpangilio wa jengo kutokana na mahitaji ya mteja. Anachora ramani ili kuweka mawazo ya mteja katika picha na kuonesha uhalisia wa kile anachohitaji mteja. Mtu huyu ni muhimu sana kwani ndiye anayetafsiri na kuhakikisha Kile anachohitaji mteja kinawekwa katika picha nzuuri na kisha ramani kwa ajili ya kupata kibali na kuendelea na ujenzi

                              

2: Mhandisi (Engineer)

Mtaalamu huyu amebobea katika sayansi ya mahesabu na ubunifu kuhusiana na shughuli za ujenzi. Mhandisi anakuwa na uwezo na maarifa ya kuunda, kutunza na kutengeneza majengo. Kazi yake kubwa ni kuhakikisha uimara wa jengo unazingatiwa. Maswala yote yanayohusiana na nondo, zege, ubora wa tofali, aina ya cement, ukubwa wa nguzo pamoja na aina za makenchi kwa ajili ya paa hufanyiwa ubunifu na mhandisi. Hayo ni machache sana kati ya vitu vingi anavyofanya engineer. Anatumia picha na ramani zilizotengenezwa na msanifu majengo katika kufanya kazi zake. Huyu pia anatengeneza ramani.

 

3: Mkadiriaji Majenzi (Quantity Surveyor)

Huyu ni mtaalamu aliyebobea katika mahesabu ya kukadiria gharama za ujenzi. Kabla hujaanza ujenzi ni vizuri ukawa na picha halisi ya gharama utakazotumia ili kukamilisha ujenzi wako. Gharama hizi zitaandaliwa vizuri sana na  mtaalamu huyu. Mtaalamu huyu hutumia michoro ya Archtect na Engineer katika kufanya makadirio.

Mpaka hapo tunakuwa tumewafahamu wataalamu watatu muhimu kabisa wanaohitajika kwenye shughuli yoyote ya ujenzi wa nyumba. Kuwapata wataalamu hawa kuna gharama utatumia. Gharama hizo ni ndogo sana ukilinganisha na hasara ambayo ungeipata kama utafanya ujenzi bila kumshirikisha mtaalamu. Sio lazima utumie wataalamu wote waliotajwa hapo juu lakini hakikisha unampata hata mmoja tu kwa ajili ya ushauri na msaada kuliko kufanya kila kitu peke yako.

Hatua Ya Kuchukua

Kama una wazo la kujenga nyumba yako ya aina yoyote ile ni vyema ukatafuta connection ya mtaalamu wa ujenzi ili awe mshauri wako mkuu kabla na wakati wa ujenzi. Usifikirie saana kuhusu gharama, fikiria Zaidi kuhusu thamani utakayoipata kwenye nyumba yako. Jitofautishe na watu wengine, acha kabisa kufanya ujenzi kwa mazoea! Wataalamu wapo ili kuhakikisha unakuwa na nyumba bora, ya kisasa, inayovutia na inayokidhi mahitaji yako ya sasa na ya baadaye. Ni jukumu lako kuhakikisha unawatumia watu hawa vizuri

Nakutakia kila la kheri katika kuchukua hatua muhimu za ujenzi na kufanya maisha yako kuwa bora kabisa.

#JengaKitaalamu

#TumiaWataalamuWaUjenzi

#EpukaKufanyaMakosaYasiyoYaLazima

#OkoaGharamaZaUjenzi

Kwa mahitaji kuhusu ushauri na namna bora ya kufanya ujenzi wa nyumba yako usisite kuwasiliana nami

Jina : Eng Beatus B. Laswai

Mobile : 0752 655 084 (WhatsApp) or  0782 129 412 or 0712 877 343

Email : engbeatus.laswai@gmail.com

Blogy : nyumbayakomaishayako.blogspot.com